Добредојдовте во ОЕМУЦ “Св. Наум Охридски“ - Охрид

Почеток
Ученици
Професори
Контакт
За нас

 
 
 
 
 

      Во своето повеќегодишно постоење и развој ЕМУЦ " Св. Наум Охридски " -Охрид бележи неколку фази:

-Формирање на Центарот, во есента 1966 год. со 4 паралелки од метаалска струка, опфатени 140 ученици и 8 вработени во Центарот.

-1970/71 поради големиот интерес и потребите на охридското стопанство верифицирана е паралелка за машински техничари, а во 1973 и паралелки од трет и четврт степен од електротехничката струка, и со тоа се врши и промена на името од  Металски во Електромашински Центар.

    Учебната 2006/07 има 27 паралелки, 591 ученици во електротехничката,  машинската и сообраќајната струка и 65 вработени.

    Центарот е добитник на Седмоноемвриската награда во 1987 год.-највисоко признание на Охрид, а во 1990 година прогласен е за најуспешен Центар.

    Центарот учествуваше во проектот " Економско    образование     за     млади" организирано од страна на Бирото за млади.

 

      Во рамките на проектот на GTZ и Бирото за развој на образованието,

ЕМУЦ " Св. Наум Охридски " се здоби со опрема за електротехничката струка. Во новата лабораторија се наоѓаат девет работни маси за 18 ученици, во кои можат да се изведуваат вежби од:

   1. електрични инсталации:

        - систем со кутии;

        - назидни инсталации;

        - систем со откривање на

           грешки;

          2. електромоторни погони (трофазни и монофазни асинхрони мотори),

управувани со контакторски кола и сигнализација.

          3. систем со куфери вежби од електроника.

   Исто така во употреба е во употреба е новиот кабинет за сметачка техника и автоматика, опремен со дваесет компјутери Pentium 4, донација од Кинеската влада.  

 

  

     Машинскиот смер располага со работилница опремена со машини, алати и помагала за изведување на практична настава од профилите: металостругар, металоглодач, алатничар, бравар и сл.   

           ЕМУЦ " Св. Наум Охридски " во текот на своето работење одржува контакти и соработува скоро со сите претпријатија во општината Охрид. Од електротехничката струка посебно се издвојува соработката со АД " EMO " - ОХРИД како и некои приватни фирми, каде се одвива и дел од практичната настава.

          Исто така во ЕМУЦ " Св. Наум Охридски " се здобиваат со V-степен на образование вработени лица од други фирми со кои училиштето соработува.

          Од машинската струка дел од практичната настава се изведува во претпријатијата АД"Алатница", АД"АГП" и др., а механичарите практичната настава ја изведуваат во приватните автосервиси во Охрид.